Back Kerk van Ierland Afrikaans Església d'Irlanda Catalan Irská církev Czech Church of Ireland German Church of Ireland English Iglesia de Irlanda Spanish Irlandako Eliza Basque کلیسای ایرلند Persian Irlannin kirkko Finnish Église d'Irlande French
La Ilesia d'Irlanda (n'inglés, Church of Ireland; n'irlandés, Eaglais na hÉireann) ye una provincia autónoma de la Comunión anglicana, estendida fundamentalmente a lo llargo de la frontera ente la República d'Irlanda y Irlanda del Norte. Ye la segunda Ilesia cristiana más grande d'Irlanda (tres la Ilesia católica) y la tercera n'Irlanda del Norte, tres la Ilesia Presbiteriana n'Irlanda.
Tien unos 390.000 miembros, 275.000 n'Irlanda del Norte (7% de la población) y 115.000 na República d'Irlanda (5% de la población).[1][2]
Cuando la Ilesia d'Inglaterra rompió la so comunión cola Ilesia de Roma, la Ilesia d'Irlanda (hasta esi momentu venceyada tamién estrechamente al catolicismu) desenvolvió la so propia reforma independentista, encabezada pola mayoría de los sos obispos. La Ilesia d'Irlanda, coles sos catedrales, ilesies y propiedaes, conserva por ello la mayor parte del heriedu históricu del cristianismu medieval na isla. Sicasí, la Ilesia católica siguió siendo la Ilesia preferida de la gran mayoría del pueblu irlandés y del baxu cleru, aguantando inclusive la imposición de la Ilesia d'Irlanda como confesión estatal hasta 1869 cuando se produció finalmente la separación ente esta ilesia y l'estáu.